АСТАНА. 24 - шілде. Kazakhstan Today. Кеше Астанада Қазақстан Республикасы мен Оңтүстік Африка Республикасының сыртқы істер министрліктерінің арасында кеңес өтті, деп хабарлайды Kazakhstan Today тілшісі ҚР Сыртқы істер министрлігіне сілтеме жасай отырып.
Келіссөз барысында Қазақстан жағын сыртқы істер министрінің орынбасары Нұрлан Ермекбаев, Оңтүстік Африка Республикасы жағын Азия және Таяу Шығыс істері жөніндегі министрдің орынбасары Джерри Матжила басқарды.
Кездесу барысында тараптар Қазақстан Республикасы мен Оңтүстік Африка Республикасы арасындағы екіжақты ынтымақтастықты, атап айтқанда туризм мен тау-кен саласындағы ынтымақтастықты нығайту мәселелерін талқылады.
Оңтүстік Африка жағы өздерінің елшілігін үстіміздегі жылдың аяғына дейін Алматыдан Астанаға көшіру шешімі туралы хабарлады. Сондай-ақ Оңтүстік Африка басшылығының Преторияда Қазақстан елшілігін ашу туралы өтініші айтылды.
Дипломаттар сыртқы саясат мекемелерінің басшылары мен олардың орынбасарларының кездесуін тұрақты өткізіп тұру туралы келісімге қол жеткізді, сондай-ақ екіжақты келісімдік-құқықтық қатынастар базасын кеңейту жөніндегі шараларды қабылдады.
Оңтүстік Африка Республикасы Африкадағы экономикалық дамыған елдердің бірі болып табылады. Өнеркәсіптік өндіріс көлемі бойынша ол әлемнің жетекші индустриалды елдерінің алдыңғы жиырмасының қатарына кіреді. Сондай-ақ әлемде отынға жатпайтын материалдар өндіруде төртінші орынды, алтын, платина тобындағы металлдарды, ванадий , хром және марганец кенін өндіруде жетекші орындарға, ал көмір өндіруде - бесінші, уран өндіруде жетінші орын алады.
Оңтүстік Африка Республикасы - халықаралық және аймақтық саяси және экономикалық бірлестіктердің беделді мүшесі. Біріккен Ұлттар Ұйымын реформалау аясында бұл мемлекет Африка құрлығының атынан БҰҰ Қауіпсіздік кеңесінің тұрақты мүшелігіне ұсынылып отыр.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан Республикасы мен Оңтүстік Африка Республикасының дипломатиялық мекемелерінің өкілдері екіжақты ынтымақтастық мәселелерін талқылады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.