АЛМАТЫ. 19 - маусым. Kazakhstan Today. Қазақстан - Түрікменстан - Иран секілді үш елдің теміржол магистралін салу туралы келісімге Тегеренда өтетін Каспийді қоршай орналасқан елдердің мемлекет басшыларының саммитінде қол қою жоспарланған, деп хабарлайды Kazakhstan Today агенттігінің тілшісі Түрікмен көшбасшысының баспасөз қызметіне сілтеме жасай отырып.
Астанада және Түрікменбашы қаласындағы үш жақты самиттегі келіссөздер барысында қол жеткізілген Солтүстік - Оңтүстік транспорттық-коммуникациялық дәліз құру туралы келісімді жүзеге асыру барысын кеше Түріменстан мен Қазақстанның президенттері телефон арқылы талқылады. Атап айтқанда, сөз теміржол магистралін тарту туралы болды.
"Нұрсұлтан Назарбаев Гурбангулы Бердымухаммедовтың сәйкес келісімге қол қою мерзіміне қатысты бастамасына қолдау танытты, оның рәсімі Каспий маңындағы мемлекет басшыларының саммиті кезінде Тегеранда өтеді",- деп хабарлады баспасөз қызметіндегілер.
Бұған дейін Сыртқы істер министрлігінің ресми өкілі хабарлағандай, Тегеранда 20-маусымда Каспий жағалауындағы мемлекеттердің Сыртқы істер министрлігі басшыларының үшінші отырысында Қазақстан, Изербайжан, Иран, Ресей мен Түрікменстанның сыртқы саясат мекемелерінің басшылары Каспий жағалауындағы мемлекеттер басшыларының екінші саммитін өткізетін уақыты мен күн тәртібін талқылайды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан - Түрікменстан - Иран темір жолын салу туралы келісімге Каспий жағалауындағы елдердің мемлекет басшыларының саммитінде қол қою жоспарланған
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.