АСТАНА. 28-тамыз. Kazakhstan Today. Елбасы Нұрсұлтан Назарбаевтың шақыруымен Қазақстанға келген Жапония үкімет басшысы Дзюнъитиро Коидзуми бүгін Ақордада мемлекет басшысымен кездесіп, екіжақты келіссөздер өткізді. Кездесу барысында президент Нұрсұлтан Назарбаев :"Қазақстан Жапониямен арадағы бірлескен бастамаларды жүзеге асыруға мемлекеттік деңгейде қолдау көрсетуге дайын",- деп мәлімдеді, деп хабарлайды Kazakhstan Today тілшісі.
"Сіздің сапарыңыз екі ел қарым-қатынасы стратегиясындағы тарихи оқиға болып табылады. Сіздің елдің Орталық Азия бағытында өз дипломатиясын пәрмендендіре бастауын қолдаймыз. Бейбітшілікті, қауіпсіздік пен тұрақты дамуды қамтамасыз етуге бағытталған бірлескен бастамаларды ілгерілетуге мемлекеттік деңгейде қолдау көрсетуге дайынбыз",- деді Н.Назарбаев.
Кездесуде Елбасы Қазақстан мен Жапонияның арасындағы өзара ынтымақтастық тұрақты дамып келе жатқандығын атай отырып, Орталық Азияға бағдар жасаған жапон кәсіпкерлеріне Қазақстанның есігі әрдайым ашық екенін айтты.
Жапония үкімет басшысы Дзюнъитиро Коидзуми Қазақстан президентіне ресми шақырғаны үшін алғысын білдіріп , Қазақстанның соңғы кездері экономикалық жетістіктерге қол жеткізгенін , Орталық Азия аймағындағы белді мемлекеттердің бірі екендігін, елдің табысына тек Жапония ғана емес, жалып әлемдіәк қауымдастықтың тәнті болып отырғанын атап көрсетті. "Ресей мен Қытайдың арасында орын тепкен сіздің ел сонымен біруақытта АҚШ-пен де, Еуроодақ елдерімен де жақты байланыс орнатқан. Бұл - сыртқы саясаттағы тепе-теңдіктің белгісі",- деді ол.
Қазақстан Жапониямен арадағы бірлескен бастамаларды жүзеге асыруға мемлекеттік деңгейде қолдау көрсетуге дайын
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.