АСТАНА. 19-ақпан. Kazakhstan Today. Қазақстанда Ата заңға енгізілетін түзетулердің жобасын жасау жөніндегі жұмыс тобы құрылады. Бұл туралы Елбасы Нұрсұлтан Назарбаев Қазақстан Республикасында демократиялық реформалар бағдарламасын әзірлеу және нақтылау жөніндегі мемлекеттік комиссияның отырысында мәлім етті.
"Мен Ата заңға енгізілетін өзгерістер туралы нақты ұсыныстардың жобасын жасайтын жұмыс тобын құру туралы бұйрыққа қол қоятын боламын. Оның құрамына мемлекеттік мекемелердің өкілдері, депутаттар, заңгер-ғалымдар, конституциялық құқық және саяси жүйе салаларындағы мамандар қамтылады. Жұмыс тобы еліміздің қазіргі Ата заңы мен тиісті заңдарына өзгерістер мен толықтырулар енгізуге бағытталған нақты ұсыныстарды дайындауға тиіс",- деді Н.Назарбаев.
Президент мемлекеттік комиссияның ұсынысымен еліміздегі саяси реформаларды екі кезеңмен, атап айтсақ, қазіргі қолданыстағы Ата заңның аясында және оған түзетулер енгізу арқылы жүзеге асыру қажет деп атап өтті. Елбасының пікірінше, бұл жұмыстарды бір уақытта іске асыру қажет. "Біз қолданыстағы заңдарға өзгерістер енгізе отырып, сонымен бір уақытта Ата заңының өзіне де өзгерістер енгізу жұмыстарын жүзеге асыратын боламыз. Екі бағыттағы жұмыстарды біруақытта жүргіземіз",- деді Н.Назарбаев.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстанда Ата заңға енгізілетін түзетулердің жобасын жасау жөніндегі жұмыс тобы құрылады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.