Қазақстанда ТМД Ақпараттық кеңесінің кезекті отырысы өтеді
Қазақстанда ТМД Ақпараттық кеңесінің кезекті отырысы өтеді
Алматы. 25 маусым. "Қазақстан Бүгін" - Қазақстанда ТМД Ақпараттық кеңесінің кезекті тоғызыншы отырысы өтеді, деп хабарлайды "Қазақстан Бүгін" агенттігі.
ТМД Ақпараттық кеңесінің кезекті отырысында ТМД аясындағы интеграциялық процестер жайлы ақпарат беру міндеттері мен ТМД аясындағы кеңестер мен сарапшылық топтардың отырыстары жайлы ақпарат таратуды жолға қою мәселелері талқыланады.
Отырысқа қатысушылар ТМД-ға қатысушы елдердің Ақпараттық агенттіктерінің Бүкіләлемдік орыс баспасөзі қауымдастығының конгрестеріне нақты қатысу формалары мен жоспарлары және осы күндері ТМД-ға қатысушы елдердің Ақпараттық агенттіктерінің форумдарын өткізу мәселесін талқылайды.
Сонымен бірге, Ақпараттық кеңестің бірлескен ақпараттық өнімдерін құру жоспары мен ТМД елдерінің Ақпараттық агенттіктері арасында фотоақпаратпен алмасу ережелері жайлы талқыланады деп жоспарлануда.
Ақпаратты пайдаланған жағдайда "Казахстан Сегодня" ақпараттық агенттігіне
гиперсілтеме жасау міндетті.
«Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.