Қазақстанға келесі аптада Корея Республикасының президенті мемлекеттік сапармен келеді
Қазақстанға келесі аптада Корея Республикасының президенті мемлекеттік сапармен келеді
Астана. 4 мамыр. "Қазақстан Бүгін" - Қазақстанға келесі аптада Корея Республикасының президенті мемлекеттік сапармен келеді. Бұл туралы "Қазақстан Бүгін" агенттігіне ҚР СІМ баспасөз қызметі хабарлады.
"Ағымдағы жылдың 12 - 14 мамырында президент Нұрсұлтан Назарбаевтың шақыруымен Қазақстанға Корея Республикасының президенті Ли Мен Бак мемлекеттік сапармен келеді. Ол ел басшылығымен келіссөздер жүргізеді", деп хабарлайды баспасөз қызметі.
Жоғары деңгейдегі кездесулердің қорытындысы бойынша түрлі ынтымақтастық салаларындағы екі жақты құжаттар топтамасына қол қойылады деп күтілуде. Сапар аясында Қазақстан - Оңтүстік Корея бизнес-форумы өтеді.
ҚР СІМ ақпаратына сәйкес, Корея Республикасының президенті Ли Мен Бактың алдағы мемлекеттік сапары барлық бағыттар, соның ішінде әсіресе экономика саласында Қазақстан - Оңтүстік Корея ықпалдастығын нығайту және оны ілгерілете түсуде кезекті тың серпін болмақ.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.