Қазақстанға Өзбекстан, Корея және Вьетнам Республикаларының басшылары жұмыс сапармен келеді
"Қыркүйек айында Қазақстанға Өзбекстан Президенті Ислам Каримов, Корея Республикасының Президенті Ли Мён Бак келеді", деп хабарлады ҚР Сыртқы істер министрлігінің ресми өкілі Алтай Ибибуллаев.
Астана. 4-қыркүйек. Kazakhstan Today - Қазақстанға Өзбекстан, Корея және Вьетнам Республикаларының басшылары жұмыс сапармен келеді, деп хабарлайды Kazakhstan Today агенттігінің тілшісі.
"Қыркүйек айында Қазақстанға Өзбекстан Президенті Ислам Каримов, Корея Республикасының Президенті Ли Мён Бак келеді", деп хабарлады ҚР Сыртқы істер министрлігінің ресми өкілі Алтай Ибибуллаев.
Корея Республикасының Президенті Ли Мён Бак 12-14 қыркүйекте мемлекет басшысы Нұрсұлтан Назарбаевтың шақыруымен Қазақстанға ресми сапармен келеді. Осы сапар аясында энергетика, қайта өңдеу өнеркәсібі, жоғары технология, ауыл шаруашылығы, мәдениет, білім және туризм салаларындағы екіжақты ынтымақтастықтың болашағы мен ахуалы талқыланады деп күтілуде. Сонымен қатар халықаралық және өңірлік өзекті проблемалар қаралмақ.
Өзбекстан Президенті Ислам Каримов 6-7 қыркүйекте Қазақстанға ресми сапармен келеді. "Сапар қорытындысы бойынша екі ел мемлекет басшыларының Бірлескен мәлімдемені қабылдауы мен бірқатар екіжақты құжаттарға қол қоюы қарастырылыған", - деді Ибибуллаев брифинг барысында.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.