АСТАНА. 30-наурыз. Kazakhstan Today. Қазақстан-Ресей үкіметаралық комиссиясының кезекті отырысы 2007-жылғы күзде өтеді. Бұл туралы Ресей үкімет басшысы Михаил Фрадков бүгін Астанада Қазақстан президенті Нұрсұлтан Назарбаевпен кездесуден кейін өткен баспасөз мәслихатында мәлім етті, деп хабарлайды Kazakhstan Today тілшісі.
"Бұған дейін де біз біршама келісімдердің жобасын қарайтын боламыз. Қазір олар сарапшылардың талқысынан өтуде",- деді ол.
М.Фрадков Қазақстан мемлекет басшысымен кездесуде "мұнайгаз, электр қуаты, атомды бейбіт мақсатта пайдалану, өнеркәсіптік кооперация саласындағы екі жақты ынтымақтастық мәселесімен қатар, ЕурАзЭҚ және Біртұтас экономикалық кеңістік форматындағы интеграцияға қатысты мәселелер" талқыланғанын хабарлады.
Ресей үкімет басшысы екі жақты қарым-қатынастардың жай-күйін қарқынды деп бағалады. "Біздің қарым-қатынасымыз арта түсуде. Ол саяси ықпалдастықтың ең жоғары деңгейіне сәйкеседі",- деді ол.
М.Фрадковтың хабарлауынша, 2006-жылдың қорытындысы бойынша Қазақстан мен Ресей арасындағы тауар айналымы 13 млрд долларды құрады. "Бұл біздің қарым-қатынасымыз үшін жоғары шек емес",- деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан-Ресей үкіметаралық комиссиясының кезекті отырысы 2007-жылғы күзде өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.