МИСКЕУ. 5-қыркүйек. Kazakhstan Today. Қазан айында Чувашия республикасының президенті Николай Федоров сапармен Қазақстанға келеді. Алдағы сапарға қатысты мәселелер Ресей Федерациясындағы Қазақстанның төтенше және өкілетті елшісі Жансейіт Түймебаевтың Чувашия басшысымен кездесуінде талқыланды, деп хабарлайды Kazakhstan Today тілшісі елшіліктің баспасөз қызметіне сілтеме жасап.
Астана мен Алматыға келуді жоспарлап отырған Чувашияның ресми өкілдерінің құрамына ірі өнеркәсіп орындарының жетекшілері мен кәсіпкерлер енген.
Кездесуде Н.Федоров өзі басқаратын республика мен Қазақстан арасындағы жан-жақты ынтымақтастықты дамытудың маңызын атап өтті. Чувашиялықтар Қазақстан президенті Нұрсұлтан Назарбаевтың бағыт-бағдары мен стратегиясын қолдайды және Қазақстандағы экономикалық реформаларды жіті қадағалап отырады, деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазан айында Чувашия республикасының президенті сапармен Қазақстанға келеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.