Қырғызстан Республикасының парламенті жұмысын тоқтатты
Қырғызстан Республикасының парламенті жұмысын тоқтатты.
Бішкек. 10 қазан. "Қазақстан Бүгін" - Қырғызстан Республикасының парламенті - Жогорку Кенеш референдумға дейін өз жұмысын тоқтатты, деп хабарлайды агенттік тілшісі.
Парламент депутаттары тиісті шешімді парламенттің бүгінгі отырысында қабылдады. Халық қалаулылары бүгін Қырғызстан үкіметі мен алтын кенішін игеруші "Центерра Голд Инк" АҚ арасындағы жаңа келісімнің жобасын қарайды деп межеленген болатын. Алайда, заң шығарушылар бұл мәселені 21 қазандағы референдумнан кейін қарауға шешім шығарды.
Үкімет пен алтын өндіруші компания арасында бейбіт келісім орнату туралы шешімнің кейінге шегерілуін Қырғызстан премьер-министрі Алмазбек Атамбаев "саяси ойын" деп атады.
"Бұл келісім Қырғызстан экономикасының алға жылжи түсуін қамтамасыз етуші еді", - деді бүгін үкімет басшысы парламентте журналистер сауалына берген жауабында. "Кез-келген ойынның шегі бар, өйткені, мемлекеттің болашағымен ойнауға болмайды", - деді ол.
Қырғызстан парламентінің депутаттары отырысты 22 қазанда қайта бастайды, ал оған дейін сайлау округтерінде сайлаушылармен жүздеседі.
Бұған дейін Жогорку Кенеш депутаттары қазанның 12 мен 19 аралығында отыстарды тоқтата тұруды жоспарланған болатын. Қырғызстан заңнамасына сәйкес, маусым мен қыркүйектен өзге әрбір айдың соңғы аптасы парламентшілердің сайлау округтеріндегі кездесулерге арналған.
Бұдан бұрын да хабарлағанымыздай, Қырғызстанда өтетін референдумда Конституцияның жаңа редакциясы туралы және сайлау жөніндегі жаңа Кодекс туралы мәселелер талқыланады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.