Қырғызстанда Шанхай ынтымақтастығы ұйымы елдерінің телекоммуникациялық технологиялар мәселелері жөніндегі сарапшыларының кездесуі өтеді
Шанхай ынтымақтастығы ұйымына мүше елдердің өкілдері Қырғызстанда телекоммуникациялық технологиялар саласындағы ынтымақтастық туралы талқылайды.
"ҚАЗАҚСТАН БҮГІН". 5 қыркүйек. БІШКЕК. Шанхай ынтымақтастығы ұйымына мүше елдердің өкілдері Қырғызстанда телекоммуникациялық технологиялар саласындағы ынтымақтастық туралы талқылайды, деп хабарлайды агенттік тілшісі Қырғызстан Республикасының Көлік және коммуникациялар министрлігінің баспасөз қызметіне сілтеме жасап.
Баспасөз қызметінің хабарлауынша, Шанхай ынтымақтастығы ұйымы министрлер кеңесінің жанындағы қазіргі заманғы ақпараттық және телекоммуникациялық технологиялар жөніндегі арнаулы жұмыс тобының отырысы 6-7 қыркүйекте өтеді. Кездесу Ыстықкөлдің жағалауындағы бір мейманханада өтпек. "Тараптар ынтымақтастықты нығайту перспективалары мен саладағы өзекті проблемаларды шешу жолдары жайлы талқылайды", -деп хабарлайды баспасөз қызметі.
Жұмыс тобының отырысына Қазақстан, Қытай, Қырғызстан, Ресей, Өзбекстан және Тәжікстанның сарапшылары қатысады. Кеңеске Қырғызстан төрағалық жасайды.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.