Қырғызстанда жер сілкінісінен зардап шеккендерге көмек көрсету үшін ортақ есеп- шот ашылды
Қырғызстанда жер сілкінісінен зардап шеккендерге көмек көрсету үшін ортақ есеп- шот ашылды
Бішкек. 9 қаңтар. "Қазақстан Бүгін" - Қырғызстанның қаржы министрлігінің орталық қазынашылығында Ош облысында орын алған жер сілкінісінен зардап шеккендерге ақшалай көмек көрсету мақсатында арнайы есеп -шот ашылды, деп хабарлайды агенттік тілшісі министрліктің баспасөз қызметіне сілтеме жасай отырып.
"Қырғызстан республикасының қаржы министрі Тәжіқан Қалымбетованың бұйрығы және үкіметтің тапсырмасы бойынша, қаржы министрлігінің орталық қазынашылығында жер сілкінісінен зардап шекендерге көмек көрсету мақсатында жеке және заңды тұлғалардан келіп түсетін қаржыны жинайтын арнайы есеп-шот ашылды ", - деп атап өтті баспасөз қызметіндегілер.
Бұдан бұрын хабарлағанындай, 2007 жылдың 26 желтоқсанында Қырғызстанның Ош облысында күші 5,5-6 балдық жер сілкінісі болды. Облыста екінші жер дүмпуі 1 қаңтарда қайта қайталанды. Соның салдарынан, бірқатар қоғамдық ғимараттар және 700 тұрғын үйдің іргесі қирады. Көптеген адамдар баспанасыз қалды.
Бішкек мэриясы зардап шеккендерге 1 млн сом ақша аударды. Мемлекеттік құрылымдардың қызметкерлері бір күндік еңбек ақыларын Ош облысының тұрғындарына аударды.
$1 = 35 сом мөлшерінде
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.