Қырғызстандағы жаппай тәртіпсіздік кезінде 1500 ғимарат пен тұрғын үй тоналып, өртке оранған
Алматы. 1-шілде. Kazakhstan Today Қырғызстанның Ош қаласы мен облысында 10 14 маусым аралығындағы жаппай тәртіпсіздік фактісі бойынша 758 қылмыстық іс қозғалған. Қылмыстық істердің көбі жаппай тәртіпсіздік кезіндегі ғимараттар мен тұрғын үйлердің тоналуына байланысты, деп хабарлайды Kazakhstan Today агенттігінің тілшісі "Вести.Ru" сілтеме жасай отырып.
Қырғызстанның Бас прокуратурасының баспасөз қызметінің хабарлауынша, қылмыстық істер адам өлтіру, жаппай тәртіпсіздік, адам ұрлау және заңсыз қару сатып алу деректері бойынша қозғалған, тергеу жұмыстары жүріп жатыр.
Ең көп қылмыстық іс мүлікке залал елтіру фактісі бойынша қозғалған: Ош қаласы мен облысында жаппай тәртіпсіздік кезінде 1500 ғимарат пен тұрғын үй тоналып, өртке оранған.
Естеріңізге сала кетсек, Қырғызстанда маусымның 10-нан 11-не қараған түні қырғыздар мен өзбектер арасында ұлтаралық қақтығыстар туындаған болатын. Осыған байланысты Ош және Жалал-Абад облыстарында төтенше жағдай енгізілген болатын. Соңғы мәліметтерге сүйенсек, республиканың оңтүстігіндегі оқиғадан көз жұмғандар саны 191 адамға жеткен.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.