Қырғызстанның премьер-министрі Қазақстанға ресми сапармен келеді
Сапарға дайындық мәселелері Бішкекте өткен Қырғызстандағы Қазақстан елшісі Бейбіт Исабаев пен Қырғыз Республикасының Сыртқы істер министрі Руслан Қазақбаевтың кездесуі барысында талқыланған.
Астана. 16-ақпан. Kazakhstan Today - Қырғызстанның премьер-министрі Омурбек Бабанов Қазақстанға ресми сапармен келеді, деп хабарлайды Kazakhstan Today агенттігінің тілшісі.
Сапарға дайындық мәселелері Бішкекте өткен Қырғызстандағы Қазақстан елшісі Бейбіт Исабаев пен Қырғыз Республикасының Сыртқы істер министрі Руслан Қазақбаевтың кездесуі барысында талқыланған, деп хабарлайды BNews.kz ақпараттық агенттігі.
Ақпаратқа сәйкес, кездесу барысында ҚР Премьер-Министрі Өмірбек Бабановтың жақын арада Қазақстанға сапары және үстіміздегі жылдың сәуір айында Астанада ТМД және ҰҚШҰ мүше-мемлекеттерінің сыртқы істер министрлер кеңесін өткізу мәселелері талқыланды.
Сондай-ақ, Қазақстан Республикасы мен Қырғыз Республикасы арасындағы дипломатиялық қатынастардың орнағанына 20 жыл толуына байланысты мерекелік іс-шараларды өткізу мәселесі сөз болды.
Тараптар көпжақты халықаралық әріптестік арқылы Орталық Азиядағы тұрақтылықты және қауіпсіздікті сақтау, сауда-экономикалық, су-энергетикалық, инвестициялық және екіжақты қарым-қатынастарды одан әрі нығайту сияқты өзекті мәселелері талқылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.