Қырғызстанның шекара қызметі шекараны күзетудің күшейтілген режиміне көшті
Қырғызстанның шекара қызметі шекараны күзетудің күшейтілген режиміне көшті
Бішкек. 10-желтоқсан. "Қазақстан Бүгін" - Қырғызстанның шекара қызметі мерзімінен бұрын өтетін парламент сайлауына дайындық жұмыстарының басталуына байланысты бүгінгі күннен бастап мемлекеттік шекараны күзетудің күшейтілген режиміне көшті. Мұндай бұйрыққа Қырғызстан Республикасының Шекара қызметінің төрағасы Замир Молдошев шығарды, деп хабарлайды "Қазақстан Бүгін" агенттігінің тілшісі мекеменің баспасөз орталығына сілтеме жасай отырып.
«Бұйрық лаңкестік немесе басқа да қылмыстардың болуының алдын алу және жолын кесу мақсатында шығарылып отыр»,- деп түсіндірді баспасөз қызметіндегілер. Осыған байланысты өткізу пункттері арқылы тұлғалардың және көлік құралдарының шекарадан асуларына қойылатын бақылау күшейтілетін болады. Республикаға келетін барлық көлік құралдарында «қару-жарақ, оқ-дәрілер, лаңкестік құралдары, есірткі заттарының болмауына және лаңкестік ұйымдарға қатысы бар адамдарды анықтауға» тексеру жүргізіледі.
Парламент сайлауының алдында Қырғызстан Республикасының Шегара қызметі сондай-ақ, Мемлекеттік ұлттық қауіпсіздік комитетімен, қорғаныс және ішкі істер министрліктерімен өзара ықпалдастық жоспарларын бекітті. Бұрын хабарлағанымыздай, Қырғызстанда парламент сайлауы мерзімінен бұрын үстіміздегі жылдың 16-желтоқсанында өтеді.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.