Қытай ағымдағы жылы Қазақстанмен арадағы келісімдерге қол қоюдан үміттенеді - Вэнь Цзябао
Қытай ағымдағы жылы Қазақстанмен арадағы келісімдерге қол қоюдан үміттенеді - Вэнь Цзябао
Пекин. 13 наурыз. "Қазақстан Бүгін" - Қытай ағымдағы жылы Қазақстанмен арадағы келісімдерге қол қоюдан үміттенеді. Бұл туралы ҚХР Мемлекеттік кеңесінің премьері Вэнь Цзябао Бүкілқытайлық халық өкілдері жиналысының 2-ші сессиясының қорытындысы бойынша өткен баспасөз мәслихатында мәлім етті, деп хабарлайды агенттік тілшісі " Синьхуа " ақпараттық агенттігіне сілтеме жасап.
Вэнь Цзябао қаржылық дағдарысқа бірлесе қарсы тұру үшін ШЫҰ аясындағы ынтымақтастықты қарқындандыру қажеттігін атап өтті.
"Қытай мен Ресей жуырда мұнай және қаржы саласындағы ынтымақтастық жөніндегі келісімдердің топтамасына қол қойды. Оның негізінде екі ел арасында мұнай саласындағы ынтымақтастықта болған барлық қиындықтар шешімін тапты. Қытай сонымен бірге Қазақстанмен қаржы, энергетика және ресурстарды игеру салаларындағы ынтымақтастық жөніндегі ниет хаттамаларына қол қойған. Енді Қазақстанмен арадағы келісімдерге биыл қол қойылады деп сенеміз", - деді В. Цзябао.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.