ДУШАНБЕ. 8-тамыз. Kazakhstan Today. Қытайдың солтүстік-батысындағы Шыңжан-Ұйғыр автономииялық ауданының әкімшілік орталығы - Үрімжі қаласында бүгін Азия-Тынық мұхиты аймағының қалалары әкімдерінің жетінші саммиті ашылды, деп хабарлайды Kazakhstan Today тілшісі Душанбе қалалық хукуматына сілтеме жасап.
Алқалы жиынға дүниежүзінің 17 елі мен аймағындағы қалалардың мэрлері, атап айтсақ, ҚХР, Оңтүстік Корея, Ресей, Жапония, Таиланд, Қырғызстан және басқа да елдердің өкілдері қатысады.
"Бұл жолғы саммитке "Қалалардцң үйлесімді дамуы" атты тақырып арқау болмақ,- деп хабарлайды хукумат. - Дүниежүзілік мегаполистердің басшылары қала құрылысы мен басқару, қоршаған ортаны қорғау, экономика және көлік проблемаларын талқылайды". Душанбеден бұл жиынға қала төрағасының орынбасары Зокирхуджа Мухтиддинов қатысуда.
Осы орайда естеріңізге сала кетсек, Азия-Тынық мұхиты аймағындағы қалалар әкімдерінің саммиті екі жылда бір рет өтеді. Алғаш рет ол 1994-жылы Жапонияяның Фукуока қаласында өтті. Қазір осындай саммиттер өткізетін ұйымға аймақтағы 26 ел біріккен.
Қытайда Азия-Тынық мұхиты аймағының қалалары әкімдерінің жетінші саммиті ашылды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.