ҚКХП өз қатарынан Ибілқасымовты шығарады
Қазақстанның Халықтық Коммунистік партиясы өзінің саяси бірлестігінен Ерасыл Ибілқасымовты шығарады.
"ҚАЗАҚСТАН БҮГІН". 16 - тамыз. Қазақстанның Халықтық Коммунистік партиясы өзінің саяси бірлестігінен Ерасыл Ибілқасымовты шығарады. Бұл туралы бүгін баспасөз мәслихатында Қазақстанның Халықтық Коммунистік партиясының орталық бақылау-ревизиялық комиссиясының төрағасы Александр Холодков мәлім етті.
"Ибілқасымов есепте тұрған Қазақстанның Халықтық Коммунистік партиясының Астана қалалық комитеті оны коммунистік партияның қатарынан шығару процедурасын бастады",- деді А. Холодков.
А. Холодков, мұндай шешім 13-тамызда республикалық телеарналардың бірінен Е. Ибілқасымовтың сайлаушыларды "Нұр Отан" партиясына дауыс беруге шақырғандығына жауап ретінде қабылданып отырғандығын түсіндіріп өтті. "Біз оның бұл қылығын әдейі жасалған сатқындық ретінде бағалаймыз",- деп мәлім етті ол.
Сонымен қатар, "сайлау науқаны басталғаннан бері ол (Ибілқасымов) сайлаушылармен бір де бір рет кездесу өткізбеген, партия тапсырмаларының біреуі де орындалмаған",- деді Қазақстанның Халықтық Коммунистік партиясының өкілі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.