ҚР мен АҚШ 2012-2013 жылдарға энергетикалық әріптестік туралы келісім шартқа қол қойды
Энергетикалық әріптестік жөнінде қазақ-америка біріккен комиссиясының 9-шы отырысы Қазақстанның мұнай және газ министрі Сауат Мыңбаев пен АҚШ-тың энергетика министрінің бірінші орынбасары Дэниел Понеманның тең төрағалығымен өтті.
Вашингтон. 23-қазан. Kazakhstan Today - ҚР мен АҚШ 2012-2013 жылдарға энергетикалық әріптестік туралы келісім шартқа қол қойды, деп хабарлайды Kazakhstan Today агенттігінің тілшісі.
BNews.kz ақпараттық агенттігінің ҚР Сыртқы істер министрлігінің баспасөз қызметіне сілтеме жасай отырып хабарлауынша, 15-16 қазанда Вашингтонда энергетикалық әріптестік жөнінде қазақ-америка біріккен комиссиясының 9-шы отырысы өткен.
Энергетикалық әріптестік жөнінде қазақ-америка біріккен комиссиясының 9-шы отырысы Қазақстанның мұнай және газ министрі Сауат Мыңбаев пен АҚШ-тың энергетика министрінің бірінші орынбасары Дэниел Понеманның тең төрағалығымен өтті.
Мәліметте көрсетілгендей, отырыс барысында тараптар атом өнеркәсібі және оны таратпау мәселелері, көмірсутегі энергетикасы, электр энергетикасы, қайта жаңартылатын қуат көздері мен энергиямен қамтамасыз ету салаларының ағымдағы жағдайы мен болашақтағы бағыттарын талқылады.
Келіссөздердің қорытындысы бойынша тараптар 2012-2013 жылдарға арналған энергетикалық әріптестікті қалыптастыру бойынша ҚР мен АҚШ біріккен әрекеттерінің Жоспары мен Біріккен мәлімдемеге қол қойды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.