АСТАНА. 12-наурыз. Kazakhstan Today. ҚР СІМ Марат Тәжин ресми сапармен Ресейге барады. Бұл туралы бүгін өткен баспасөз мәслихатында ҚР СІМ-нің баспасөз хатшысы Ілияс Омаров құлағдар етті,- деп хабарлайды Kazakhstan Today тілшісі.
Сапар 19-20-наурызға межеленген. "Сапар аясында келіссөздер жүргізіліп, олардың барысында Қазақстан-Ресей ынтымақтастығының өзара тиімділігін одан әрі арттыру, ТМД кеңістігіндегі интеграциялық бірлестіктер шеңберіндегі ықпалдастықты дамыту жайы мен халықаралық қарым-қатынастың өзекті мәселелері талқыға салынады",- деді І.Омаров.
Екі елдің сыртқы саясатты жауаптанатын мекемелері арасындағы 2007-жылға арналған ынтымақтастық шараларының жоспарына қол қойылады деп күтілуде.
"Қазақстан мен Ресей арасындағы қарым-қатынастың бұрынғы Кеңестік кеңістіктегі екі жақты ынтымақтастықтың ең тиімді әрі табысты моделі екенін атап өту қажет",- деді баспасөз хатшысы.
"Қазақстан мен Ресей арасында саяси, сауда-экономикалық, мәдени-гуманитарлық, ғылыми және басқа да барлық салалардағы етене жақын ынтымақтастықтың ауқымды құқықтық базасы қалыптасқан. Бүгінде екі ел арасындағы қарым-қатынастың барлық салаларын қамтыған өзара серіктестік принциптері бекем орныққан деп айтуға болады",- деді ол.
"Өзара саяси сенімділік дәрежесі мен кең ауқымды ынтымақтастықтардың деңгейі Қазақстан мен Ресей арасындағы стратегиялық одақтастықтың мызғымас беріктігін паш етеді",- деді М.Омаров.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
ҚР СІМ ресми сапармен Ресейге барады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.