ҚР Сыртқы істер министрлігі үкіметке "Еуропаға апарар жол" бағдарламасының жобасын таныстырды
ҚР Сыртқы істер министрлігі үкіметке "Еуропаға апарар жол" бағдарламасының жобасын таныстырды
Астана. 29 шілде. "Қазақстан Бүгін" - ҚР Сыртқы істер министрлігі үкіметке "Еуропаға апарар жол" бағдарламасының жобасын таныстырды, деп хабарлайды агенттік тілшісі.
Бұл құжат Қазақстан президенті Нұрсұлтан Назарбаевтың Қазақстан халықан арнаған жолдауында жария етілген тапсырмаға сәйкес дайындалды, деді мекеменің жауапты хатшысы Рәпіл Жошыбаев.
Бағдарламаны жүзеге асыруға қажетті қаражат 2009-2011 жылдарға арналған республикалық бюджетте қарастырылады.
Бұл бағдарламаны жүзеге асыру арқылы Қазақстан Еуропаның жетекші елдерімен саяси, экономикалық және гуманитарлық салаларда стратегиялық серіктестік деңгейіне көтеріліп, Еуропа елдерімен арадағы тауар айналымын жыл сайын ұлғайтып отыруға жағдайлар жасалып, Еуропалық Одақ елдерінің талаптарына сай келетін техникалық регламенттер мен үйлесімді стандарттар қабылданады, деді Р.Жошыбаев.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.