Құрманбек Бакиев өзінің отставкасын мойындамайды
Құрманбек Бакиев өзінің отставкасын мойындамайды
Алматы. 21 сәуір. Kazakhstan Today - Құрманбек Бакиев өзінің Қырғызстан президенті қызметінен отставкасын мойындамайды. Бұл туралы ол бүгін Минскіде журналистерге мәлімдеді, деп хабарлайды Kazakhstan Today БЕЛТА ақпараттық агенттігіне сілтеме жасап.
"Менің халқым аса ауыр сәттерді бастан кешіруде. Білермендікпен билікті басып алған топ білгенін істеп жатыр. Бейбіт адамдарды өлтіріп, үйлерді қиратуда. Ел ондаған жылдарға кері шегінді. Қырғызстан президенті ретінде, Конституцияның кепілі ретінде мен бұл зілзала үшін жауапкершіліктен жалтармаймын және бәрі үшін заң алдында жауап беруге дайынмын", - деп мәлімдеді ол.
Бірақ бұл, деді Қ.Бакиев, оның "қырғыз халқын бандиттердің талауына береді дегенді білдірмейді".
"Мен қаза тапқандардың туыстары мен жақындарына тағы бір рет көңіл айтамын", - деді Қ. Бакиев.
Сонымен қатар ол халықаралық қоғамдастықты Қырғызстандағы төңкерісті қолдамауға шақырды. Ол сонымен қатар елдегі жағдайға тәуелсіз халықаралық тексеру жүргізуді және тәртіпсіздіктердің шығуына кінәлілерді жазалауға шақырды.
Еске сала кетейік, өткен дүйсенбіде Қ. Бакиев отбасымен бірге Минскіге келді. Бұл туралы Беларусь президенті Александр Лукашенко мәлім етті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.