Күзде Өзбекстан президенті Қазақстанға іссапармен келеді деп жоспарлануда
Ташкент қаласында қазақстандық СІМ өкілдерінің қатысуымен Өзбекстан Президенті Ислам Каримовтың Астанаға сапарының дайындық барысы талқыланады.
Астана. 14-тамыз. Kazakhstan Today - Күзде Өзбекстан президенті Қазақстанға іссапармен келеді деп жоспарлануда, деп хабарлайды Kazakhstan Today агенттігінің тілшісі.
Ташкент қаласында қазақстандық СІМ өкілдерінің қатысуымен Өзбекстан Президенті Ислам Каримовтың Астанаға сапарының дайындық барысы талқыланады.
Бұл туралы бүгін брифингте Қазақстанның сыртқы саясат ведомствосы баспасөз қызметінің жетекшісі Ілияс Омаров хабарлады.
"Ағымдағы жылдың 13-14 тамыз күндері Ташкентте қазақстандық-өзбекстандық саяси кеңестер өтеді. Келіссөздерде қазақстандық делегацияға ҚР Сыртқы істер вице-министрі Амангелді Жұмабаев, ал өзбек делегациясына - оның әріптесі Комил Рашидов басшылық етеді. Отырыс барысында тараптар екіжақты ынтымақтастықтың көкейкесті мәселелерін, соның ішінде Өзбекстан Республикасының Президенті Ислам Каримовтың ағымдағы жылдың күзінде Қазақстанға ресми сапарына дайындық барысын, сондай-ақ сауда-экономикалық байланыстарды және мәдениет саласындағы өзара іс-қимылды дамыту болашағын талқылайды", - деді І.Омаров.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.