АСТАНА. 6-қыркүйек. Kazakhstan Today. Парламент мәжілісінің төрағасы Орал Мұхамеджанов еліміздің сыртқы істер министрінің орынбасары Рахат Илиевтің Қазақстанда басқару нысанын конституциялық монархияға ауыстыру мүмкіндігі туралы пікірімен келіспейді, деп хабарлайды Kazakhstan Today тілшісі.
"Өз басым бұл пікірмен қосылмаймын",- деді О.Мұхамеджанов бүгін журналистер сауалына жауап беру барысында.
Бірақ мәжіліс төрағасы елімізде кез-келген мәселе бойынша әркім өз пікірін ашық білдіре алатынын атап өтті. "Қазақстан- демократиялық мемлекет, елімізде сөз бостандығы үстемдік құрады, әркімнің өз пікірі болуға тиіс",- деді ол.
Естеріңізге сала кетсек, "Караван" апталығында жарияланған мақаласында
Р.Илиев : "нағыз демократиялық институттары толық жұмыс істейтін, конституциялық монархия түріндегі саяси құрылым моделі қазіргі заманғы қауіп-қатерлерге жауап бере алатын, ең сенімді құрылым секілді сезіледі",- деп атап көрсеткен болатын. Бұл орайда Р.Илиев мемлекеттік жүйені түбегейлі өзгертіп жіберуге шақырмайтынын жеткізеді. "Жүйе жұмыс істеп тұр, проблемалары болса да, өз міндетін атқаруда. Дегенмен, мен лениндік немесе басқа республика түріндегіден өзге бізге мейлінше лайық келетін модель дүние жүзінде бар-жоқтығын зерттеп көруді ұсынамын",- дейді Р.Илиев.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Мәжіліс спикері сыртқы істер министрі орынбасарының Қазақстанда басқару нысанын ауыстыру мүмкіндігі туралы пікірімен келіспейді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.