Мемлекеттік дума Владимир Путинді РФ премьер-министрі қызметіне бекітті
Мемлекеттік дума Владимир Путинді РФ премьер-министрі қызметіне бекітті
Алматы. 8 мамыр "Қазақстан Бүгін" - Мемлекеттік дума Владимир Путинді РФ премьер-министрі қызметіне бекітті, деп хабарлайды агенттік Ресейдің "Новости" ақпараттық агенттігіне сілтеме жасап.
"Оның кандидатурасын қолдап 392 депутат дауыс берсе, қарсы болғандар - 56 адам болды, ешкім қалыс қалған жоқ. Ал бекіту үшін 226 дауыс қажет болатын. Мемлекеттік дума ашық дауыс берді", -делінген хабарламада.
"Парламенттің РФ үкімет басшысының кандидатурасын қолдап дауыс беру бойынша бұл рекордтық нәтиже", -деді парламенттің төменгі палатасының спикері Борис Грызлов.
Путин 2000 жылы президент болып сайланғанға дейін 1999 жылы да үкімет басшысы болған.
Кеше, сәрсенбіде Дмитрий Медведевті ұлықтау рәсімі өтті, ол 2008 жылдың 2 наурызындағы сайлауда жеңіске жеткен, сөйтіп В.Путиннің сегіз жылдық президенттік өкілеттілігі автоматты түрде аяқталды.
Қызметке кірісе сала Д. Медведев парламенттің төменгі палатасына үкімет басшысының лауазымына В. Путиннің кандидатурасын енгізді. Конституцияға сәйкес Виктор Зубковтың үкіметі автоматты түрде өз өкілеттілігін аяқтады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.