Мысырдағы төңкеріс құрбандарының саны белгілі болды
Мысырда 18 күнге созылған жаппай үкіметке қарсы көтерілісте орын алған қақтығыстарда кем дегенде 365 адам құрбан болды, деп хабарлайды Kazakhstan Today агенттігінің тілшісі.
Алматы. 17 - ақпан. Kazakhstan Today - Мысырда 18 күнге созылған жаппай үкіметке қарсы көтерілісте орын алған қақтығыстарда кем дегенде 365 адам құрбан болды, деп хабарлайды Kazakhstan Today агенттігінің тілшісі.
BNews.kz. ақпараттық агенттігінің хабарлауынша, бұл сан Мысыр Денсаулық сақтау министрлігінің баяндамасында келтірілген және алдағы уақытта құрбан болғандардың саны бұдан да артуы мүмкін делінген.
Тәртіпсіздіктер барысында түрлі әлеуметтік және әртүрлі жастағы топтарға жататын шерушілер 1981 жылдан бері ел президенті лауазымында отырған Хосни Мубарактың отставкаға кетуін талап етті.
Олардың талаптары қанағаттандырылып, билік әскери кеңеске өтті. Алайда, Мысыр астанасы Каирде болған наразылық шеруінің соңғы күндері оппозициялық шерушілер мен билік жақтаушылары арасындағы қанды қақтығысқа ұласқан болатын.
Осы қақтығыстар салдарынан кем дегенде 10 адам құрбан болып, жүздеген жараланды.
Жаңа билік елдегі жағдайды қалыпқа келтіріп, Мысырға туристерге есік ашуға тырысуда. Туризмге қолайлы елдің беделін қалпына келтіру үшін ресми Каир туристік компанияларға чартерлік рейс ұйымдастыруға өтемақы төлеуге, ал туристерге қонақ үйлерде төмен баға және сапалы қызмет көрсетуге уәде беріп отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.