АСТАНА. 4-шілде. Kazakhstan Today. Бүгін өткен "Нұр Отан"Халықтық-демократиялық партиясының кезектен тыс 11-ші сьезінде партиядан мәжіліс депутаттығынан үміткерлердің тізімі бекітілді, деп хабарлайды Kazakhstan Today тілшісі.
"Барлық 127 үміткер партиялық тізімге енді, тізім Орталық сайлау комиссиясына ұсынылады", - деді сьезде партия төрағасының орынбасары Бақытжан Жұмагұлов.
Тізімге енгендердің арасында әділет министрі Зағипа Балиева, мәдениет және ақпарат министрі Ермұхамет Ертісбаев, еңбек және халықты әлеуметтік қорғау министрі Гүлжан Қарағұсова, экономика министрі - вице-премьер Аслан Мусин, ҚР президентінің жанындағы әйелдер істері жөніндегі комиссияның жетекшісі Айткүл Самақова, үшінші шақырылған мәжіліс депутаты Орал Мұхамеджанов, ШҚО әкімі Жәнібек Кәрібжанов, Республикалық ғарыш агенттігінің жетекшісі Талғат Мұсабаев тағы басқалары бар.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
"Нұр Отан" партиясынан мәжіліс депутаттығынан үміткерлердің тізімі бекітілді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.