АСТАНА. 9-қаңтар. Kazakhstan Today. Астанада "Нұр Отан" партиясының парламенттік фракциясының отырысы барысында Қазақстанның жаңа үкімет басшысының кандидатурасына қатысты мәселе талқылана бастады, деп хабарлайды Kazakhstan Today тілшісі.
Отырысқа президент әкімшілігінің жетекшісі Иділбек Жақсыбеков, "Нұр Отан" халықтық-демократиялық партиясы төрағасының міндетін атқарушы Бақытжан Жұмағұлов, "Нұр Отан" партиясы саяси бюросының мүшесі Азат Перуашев, сондай-ақ, "Нұр Отан" партиясының мүшелері қатарынан республика парламентінің сенаты мен мәжілісінің депутаттары қатысты.
"Күн тәртібінде кешегі күнннің оқиғасына байланысты бір ғана мәселе талқыланады",- деді жиынды ашқан "Нұр Отан" парламенттік фракциясының жетекшісі Имзебек Жолшыбеков.
Ол кеше Елбасы Нұрсұлтан Назарбаев Даниал Ахметовтың отставкаға кету туралы өтінішін қабылдағанын және "Нұр Отан" партиясының басшылығымен, соның ішінде партияның парламенттік фракциясының басшылығымен бірқатар кездесулер өткізгенін еске салды.
"Осы кездесулер барысында жаңа үкіметтің құрамына және жаңа үкімет басшысының кандидатурасына қатысты кең көлемді пікір алмасылды. Кездесуде сонымен қатар парламенттің ролін жалпы және "Нұр Отан" партиясының парламеттік фракциясының ролін көтеру төңірегінде әңгіме өрбіді",- деді фракция жетекшісі.
"Бұл президенттің парламент депутаттарына және өз партиясының мүшелеріне деген үлкен сенімін және сонымен біруақытта жалпы қоғам алдындағы біздің үлкен жауапкершілігімізді паш етеді",- деді И.Жолшыбеков.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
"Нұр Отан" партиясының парламенттік фракциясының отырысы аясында Қазақстанның жаңа үкімет басшысының кандидатурасына қатысты мәселе талқылана бастады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.