Обама Азия-Тынық мұхиты экономикалық ынтымақтастық саммитіне қатысудан бас тартты
АҚШ Президентінің баспасөз хатшысы Джей Карнидің сөзіне қарағанда, Обаманың Азия-Тынық мұхиты аймағы мемлекеттері басшыларының кездесуіне қатысудан бас тарту шешімі 2012 жылдың қыркүйегінде өзі төраға болып табылатын Демократиялық партияның ұлттық съезін өткізумен байланысты түсіндіріледі.
Мәскеу. 15-мамыр. Kazakhstan Today - АҚШ Президенті Барак Обама 2012 жылдың 1-8 қыркүйегінде Владивостокта өтетін Азия-Тынық мұхиты экономикалық ынтымақтастық саммитіне (АТЭЫ) қатысудан бас тартты, деп хабарлайды Kazakhstan Today агенттігінің тілшісі.
BNews.kz ақпараттық агенттігінің хабарлауынша, АҚШ Президентінің баспасөз хатшысы Джей Карнидің сөзіне қарағанда, Обаманың Азия-Тынық мұхиты аймағы мемлекеттері басшыларының кездесуіне қатысудан бас тарту шешімі 2012 жылдың қыркүйегінде өзі төраға болып табылатын Демократиялық партияның ұлттық съезін өткізумен байланысты түсіндіріледі.
Агенттікте атап өтілгендей, АҚШ пен Ресей өкілдері Барак Обаманың АТЭЫ саммитіне келуден бас тартуы РФ Президенті Владимир Путиннің 2012 жылдың 18-19 мамырында американың Кэмп-Дэвид қаласында өтетін "Үлкен сегіздік" (G8) кездесуіне қатысудан бас тартуына байланысты дегенді жоққа шығаруда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.