АСТАНА. 30 - шілде. Kazakhstan Today. Орталық сайлау комиссиясы ЕҚЫҰ Демократиялық институттар және адам құқығы жөніндегі бюросы миссиясының Қазақстандағы сайлау науқаны барысы туралы аралық есебі объективті және бір жақты емес болады деген үмітте. Бұл туралы бүгін Қазақстан Республикасының Орталық сайлау комиссиясының отырысында мекеме төрағасы Қуандық Тұрғанқұлов мәлім етті, деп хабарлайды Kazakhstan Today тілшісі.
"Бүгін Қазақстан Республикасындағы парламент сайлауы жөніндегі ЕҚЫҰ Демократиялық институттар және адам құқығы жөніндегі бюросы миссиясының басшысы - елші Любомир Копаймен кездесу өтті",- деп хабарлады Қуандық Тұрғанқұлов.
Ол, кездесу барысында сайлау науқанының барысы талқыланғандығын, сонымен қатар Орталық сайлау комиссиясының ЕҚЫҰ Демократиялық институттар және адам құқығы жөніндегі бюросының миссиясымен өзара ықпалдастық мәселелері жөніндегі пікірлерін алмасқандығын атап өтті.
"ЕҚЫҰ Демократиялық институттар және адам құқығы жөніндегі бюросы миссиясының қазіргі уақытта әзірле жатқан алдын ала есеп беруі объективті және бір жақты емес болады деген үміттеміз",- деп қорытындылады Қуандық Тұрғанқұлов.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Орталық сайлау комиссиясы ЕҚЫҰ Демократиялық институттар және адам құқығы жөніндегі бюросы миссиясының Қазақстандағы сайлау науқаны барысы туралы аралық есебі объективті және біржақты емес болады деген үмітте
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.