АСТАНА. 17-қаңтар. Kazakhstan Today. Бүгін өткен мәжілістің жалпы отырысында Қуандық Тұрғанқұлов Орталық сайлау комиссиясының төрағасы болып сайланды, деп хабарлайды Kazakhstan Today тілшісі.
Елбасы Нұрсұлтан Назарбаевтың таныстыруы бойынша Оңалсын Жұмабеков Орталық сайлау комиссиясының төрағасы қызметінен босатылды. Орталық сайлау комиссиясының төрағасы болып Қуандық Тұрғанқұлов сайланды.
Сонымен бірге отырыс барысында Орталық сайлау комиссиясы төрағасының орынбасары болып бұған дейін комиссиның хатшысы қызметін атқарған Владимир Фоос сайланды. Ал Орталық сайлау комиссиясының хатшысы болып Бақыт Мелдешев сайланды.
Мәжіліс депутаттары ұсынылған кандидатураларды бірауыздан қолдады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Орталық сайлау комиссиясының төрағасы болып Қуандық Тұрғанқұлов сайланды (толықтырылған нұсқа)
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.