АСТАНА. 18-шілде. Kazakhstan Today. ОСК Қазақстанда мәслихаттар депутаттығына 4446 кандидатты тіркеді. Бұл туралы Орталық сайлау комиссиясының отырысынан кейін өткен брифингте комиссия төрағасы Қуандық Тұрғанқұлов құлағдар етті, деп хабарлайды Kazakhstan Today тілшісі.
Орталық сайлау комиссиясына түсіп отырған деректерге сәйкес 2007 жылғы 18 шілдедегі жағдай бойынша мәслихаттар депутаттығына 8972 кандидат ұсынылды.
Облыстық мәслихаттарға 1654 кандидат ұсынылды, оның ішінде: Астана қаласының мәслихатына 126 кандидат, Алматы қаласының мәслихатына 165 кандидат, аудандық мәслихаттарға 5451 кандидат, қалалық мәслихаттарға 1867 кандидат ұсынылды.
Мәслихаттар депутаттығына ұсынылған барлық кандидаттан 4446 тіркелді.
Олардан облыстық, Астана және Алматы қалаларының мәслихаттарының депутаттығына 662 кандидат; аудандық мәслихаттар депутаттығына 2992 кандидат; қалалық мәслихатар депутаттығына 792 кандидат тіркелген.
Мәслихаттар депутаттығына кандидаттарды тіркеу 23 шілдеге дейін жалғасады, ал сайлау алдындағы үгітке кандидаттар 24 шілдеде кіріседі. Мәслихат депутаттары 18-тамызда сайланады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
ОСК Қазақстанда мәслихаттар депутаттығына 4446 кандидатты тіркеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.