Өзбекстан президенті ҰҚШҰ мен ЕурАзЭҚ ұйымдарын біріктіруді ұсынады
Өзбекстан президенті ҰҚШҰ мен ЕурАзЭҚ ұйымдарын біріктіруді ұсынады
Мәскеу. 9 маусым. "Қазақстан Бүгін" - Өзбекстан президенті ҰҚШҰ мен ЕурАзЭҚ ұйымдарын біріктіруді ұсынады. Бұл туралы ол РФ президенті Дмитрий Медведевпен кездесуінде мәлімдеді, деп хабарлайды "Қазақстан Бүгін" агенттігінің тілшісі ИТАР-ТАСС ақпараттық агенттігіне сілтеме жасай отырып.
"ЕурАзЭҚ пен ҰҚШҰ ұйымдарының күн тәртіптері ұқсас, бірін бірі қайталайды. Кейде ЕурАзЭҚ күн тәртібін жасай алмай қалады", - деп есептейді ол. Өзбекстан президенті бұл мәселені талқылауды ұсынды. Оның пайымдауынша, екі құрылымның ресурстары мен мүмкіншіліктерін біріктіру оң нәтиже береді.
Д. Медведев Кәрімовтың ұсынысын ТМД елдерінің әріптестерімен өтетін екіжақты кездесулерде талқылау керектігін айтты.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.