Өзбекстан президентінің сайлауына 300 жуық байқаушы қатысады деп күтілуде
Өзбекстан президентінің сайлауына 300 жуық байқаушы қатысады деп күтілуде
Ташкент. 21 желтоқсан. "Қазақстан Бүгін" - 23 желтоқсанда өтеді деп межеленген Өзбекстан президентінің сайлауына халықаралық ұйымдар мен шетелдерден 300 жуық байқаушы қатысады деп күтілуде, деп хабарлайды агенттік Өзбекстанның УзА ақпараттық агенттігіне сілтеме жасап.
Өзбек БАҚ-тарының хабарлауынша, Өзбек мемлекет басшысының лауазымына төрт үміткер бақ сынамақшы. Қазіргі президент Ислам Кәрімовтың атын президенттіктен үміткер ретінде Кәсіпкерлер мен іскер адамдардың қозғалысы - Өзбекстанның Либералдық -демократиялық партиясы ұсынды.
Өзбекстанның Социал-демократиялық партиясы өз кандидаты ретінде парламенттің төменгі палатасын - олий мажлистің вице-спикері Дилорам Ташмухамедованы ұсынды. Аслиддин Рустамов елдегі ең көне партия Халықтық -демократиялық партияның үміткері атанды. Заң ғылымдарының докторы, 49 жастағы Акмаль Саидов азаматтардың бастамашы тобының атынан үміткерлікке ұсынылды.
И. Кәрімов республиканы 1989 жылдан бері басқарады. Сол кезде ол ӨзбекКСР Коммунистік партиясы Орталық комитетінің бірінші хатшысы болып бекітілді. 1990 жылдың наурыз айында Өзбек КСР Жоғарғы кеңесінің сессиясында ел президенті болып сайланды. Бұдан кейін ол 1991 жылғы желтоқсанда және 2000 жылдың қаңтар айында екі мәрте президент болып сайланды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.