Пекинде Азиядағы өзара ықпалдастық және сенім шаралары жөніндегі кеңесінің арнайы жұмыс тобы мен аға лауазымды тұлғалар комитетінің отырыстары өтеді
Пекинде Азиядағы өзара ықпалдастық және сенім шаралары жөніндегі кеңесінің арнайы жұмыс тобы мен аға лауазымды тұлғалар комитетінің отырыстары өтеді
Астана. 26 қазан. Kazakhstan Today - Пекин қаласында 27-29 қазанда Азиядағы өзара ықпалдастық және сенім шаралары жөніндегі кеңесінің арнайы жұмыс тобы (АЖТ) және аға лауазымды тұлғалар комитетінің отырыстары өтеді. Бұл туралы Астанада өткен брифингте ҚР Сыртқы істер министрлігінің баспасөз хатшысы Ілияс Омаров мәлім етті, деп хабарлайды Kazakhstan Today.
Аталған отырыстарға ұйымға 20 мүше-мемлекеттер өкілдері қатысады деп күтілуде.
Отырыс барысында АӨСШК Конвенциясының артықшылықтар мен иммунитеттер жөніндегі жобасын одан әрі әзірлеу жоспарлануда, АӨСШК-ға мүше-мемлекеттердің энергетика және ақпараттық қауіпсіздік салаларындағы ынтымақтастығы жөніндегі тұжырымдамалары мен жоспарлары қарастырылады, АӨСШК елдерінің мемлекеттері басшылары мен үкімет басшыларының үшінші саммитін өткізу мәселелері талқыланады.
Сонымен қатар, Азия құрлығында қауіпсіздік пен сенімді нығайтуға бағытталған әскери-саяси, экономика және экология салаларындағы шаралар жиынтығын талқылау жоспарлануда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.