Пекинде Шанхай ынтымақтастығы ұйымы үкімет басшылары кеңесінің отырысының соңында қорытынды құжаттарға қол қойылды
Пекинде Шанхай ынтымақтастығы ұйымы үкімет басшылары кеңесінің отырысының соңында қорытынды құжаттарға қол қойылды
Алматы. 14 қазан. Kazakhstan Today - Пекинде бүгін Шанхай ынтымақтастығы ұйымы үкімет басшылары кеңесінің отырысының қорытындысы бойынша бірқатар құжаттарға қол қойылды, деп хабарлайды Kazakhstan Today ИТАР-ТАСС-қа сілтеме жасап.
Атап айтсақ, бүгін ғаламдық қаржылық-экономикалық дағдарысының зардаптарын еңсеру үшін көпжақты экономикалық ынтымақтастықты қарқындандыру және Шанхай ынтымақтастығы ұйымы елдерінің бұдан былайғы экономикалық дамуын қамтамасыз ету бойынша бірлескен бастама қабылданды.
Сондай-ақ, үкімет басшылары ұйым кеңістігінде жұқпалы аурулармен күрес жөніндегі бірлескен мәлімдеме мен Шанхай ынтымақтастығы ұйымы үкімет басшылары кеңесінің отырысының қорытындысы бойынша бірлескен коммюнике қабылдады.
Бұған қоса үкімет басшылары Шанхай ынтымақтастығы ұйымы хатшылығының Шанхай ынтымақтастығы ұйымына мүше елдердің көпжақты сауда-экономикалық ынтымақтастық бағдарламасының жүзеге асырылу барысы туралы есебі туралы шешімді, Шанхай ынтымақтастығы ұйымының 2008 жылғы бюджетінің орындалуы мен 2010 жылғы бюджеті туралы қаржылық есебі туралы шешімді бекітті. Сондай-ақ, Шанхай ынтымақтастығы ұйымының хатшылығы мен Шанхай ынтымақтастығы ұйымының Өңірлік антитеррорлық құрылымының Атқару комитетінің шығындарының сметасын бөлу туралы шешімдер бекітілді.
Отырыс қорытындысы бойынша үкімет басшыларының қатысуымен Шанхай ынтымақтастығы ұйымы елдерінің кеден қызметтері арасындағы кеден қызметтерінің лауазымды тұлғаларының біліктілігін көтеру және оларды дайындау саласындағы ынтымақтастық туралы хаттамаға қол қойылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.