Польша Қазақстан нарығын болашағынан зор үміт күттіретін бес елдің бірі деп таныйды - баспасөз баяны
Іс-шараны ҚР Индустрия және жаңа технологиялар министрілігі, "KAZNEX INVEST" экспорт және инвестициялар ұлттық агенттігі" АҚ Польшаның экономика министрлігі мен Польшаның Ақпарат және шетелдік инвестиция агенттігімен бірлесе отырып ұйымдастырған.
Бүгін Астанада Польшаның премьер-министрінің орынбасары - экономика министрі Вальдемар Павляк пен ҚР СІМ жауапты хатшысы Рапиль Жошыбаевтің қатысуымен қазақстан-польша экономикалық форумы өтті.
Іс-шараны ҚР Индустрия және жаңа технологиялар министрілігі, "KAZNEX INVEST" экспорт және инвестициялар ұлттық агенттігі" АҚ Польшаның экономика министрлігі мен Польшаның Ақпарат және шетелдік инвестиция агенттігімен бірлесе отырып ұйымдастырған.
"Польша еуропа елдері арасындағы Қазақстанның негізгі сыртқы экономикалық серіктестерінің бірі болып қала береді. Инвестиция ағыны тұрақты өсуде. Соңғы 10 жылда сауда көлемі 10 есе артты, өткен жылдың қорытындысы бойынша ол 1 млрд 700 млн АҚШ долларынан астам қаржыны құрады. Қазақстан экономикасына тартылған инвестиция 110 млн АҚШ долларынан асты", - деп хабарлады Жошыбаев.
Оның сөзіне қарағанда, Польшаның экономикалық саясаты экономиканы жаңғыртуға, мемлекеттік кәсіпорындарды одан әрі жекешелендіруге, банк секторын құрылымдық қайта құруға бағытталған.
"Олардың тәжірибесі біз үшін пайдалы, сондықтан біз озық тәжірибені үйренетін боламыз. Польшалық әріптестерім үшін Қазақстанды тани түсу қызықты болмақ", - деп қорытындылады ол.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.