Ресей Федерациясының Сыртқы істер министрі Қазақстанға ресми сапармен келеді
Ресей Федерациясының Сыртқы істер министрі Қазақстанға ресми сапармен келеді
Астана. 22 қазан. "Қазақстан Бүгін" - Ресей Федерациясының Сыртқы істер министрі Сергей Лавров 29-30 қазан аралығында Қазақстан Республикасына ресми сапармен келеді деп жоспарлануда, деп хабарлайды агенттік тілшісі ҚР СІМ-нің баспасөз қызментіне сілтеме жасап.
Сапар барысында екі және көп жақты форматтардағы ынтымақтастықтың өзекті мәселелері талқыланатын шағын және кеңейтілген құрамдағы келіссөздер өтеді.
Мемлекет басшылығымен жоспарланған кездесулер барысында Қазақстан мен Ресей арасындағы ынтымақтастықтың қазіргі ахуалы мен келешегі талқыланады деп жоспарлануда.
Сонымен қатар, сапар аясында С.Лавровтың 30-31 қазанда Астана қаласында өтетін Қазақстан мен Ресей арасындағы дипломатиялық қатынастардың орнағанына 15-жыл толуына арналған ""Қазіргі кезеңдегі Қазақстан мен Ресей қатынастары: ынтымақтастығының қорытындылары және келешегі" атты халықаралық ғылыми-тәжірибелік конференциясының жұмысына қатысады деп жоспарлануда.
Сапар қорытындысы бойынша Қазақстан Республикасының Сыртқы істер министрлігі және Ресей Федерациясы Сыртқы істер министрлігі арасындағы ынтымақтастық жөніндегі іс-шаралар жоспарын қабылдау қарастырылып отыр.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.