МИСКЕУ. 13-сәуір. Kazakhstan Today. "Ресей өзінің Қазақстанмен арадағы тарих сынақтарынан сүрінбей өткен, шынайы әріптестік қатынасын қадір тұтады және оны стратегиялық сенімді одақтасы, тату көршісі ретінде құрмет тұтады",- деді бүгін Ресей президенті Владимир Путин Қазақстан Республикасының Ресейдегі төтенше және өкілетті елшісі Нұртай Ибіқаевтың сенім грамотасын қабылдау рәсімінде. Бұл туралы Kazakhstan Today тілшісіне Қазақстан Республикасының Ресейдегі елшілігінің баспасөз қызметі хабарлады.
"Кейінгі жылдары біз өңірдегі интеграциялық процестердің алға жылжуы мен тұрақтылықты нығайтуда бірлесе отырып үлкен табыстарға жеттік",- деді В.Путин. "Біздің бүгінгі басты міндетіміз - екі жақты ынтымақтастықтың кейінгі жылдары қалыптасқан қарқынын сақтай отырып үдете түсу. Бұған жоспарланып отырған жоғары деңгейдегі байланыстар түрткі болады дегенге кәміл сенемін",- деді РФ президенті.
Сенім грамотасын табыс ету рәсімі Үлкен Кремль сарайының Александр залында өтті. Рәсімге РФ СІМ Сергей Лавров пен президенттің көмекшісі Сергей Приходько қатысты.
Елшіліктің баспасөз қызметінің хабарлауынша, осы оқиғаға орай "Метрополь" қонақ үйінде Қазақстан елшілігінің ұйымдастыруымен қабылдау болады. Оған Мәскеуде аккредитацияланған шетелдік елшілер, танымал саяси және қоғам қайраткерлері, Қазақстан мен Ресейдің іскерлік өкілдері, танымал ғылым және мәдениет қайраткерлері, танымал ресейлік журналистер шақырылған.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Ресей өзінің Қазақстанмен әріптестік қатынасын қадір тұтады және оны стратегиялық одақтасы деп санайды - Путин
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.