Ресейде Еуразиялық университет салынады
Ресейде Еуразиялық университет салынады
Пекин. 3 қаңтар. "Қазақстан Бүгін" - Ресейде үлкен Еуразиялық университеті (ҮЕУ) салынады, деп хабарлайды агенттік тілшісі Шанхай ынтымақтастығы ұйымының баспасөз қызметіне сілтеме жасай отырып.
Баспасөз қызметінің ақпараты бойынша, ҮЕУ Екатеринбургтің шетіндегі әсем Шарташ көлінің жағасындағы 1,5 мың гектар аумақта салынады. Жоспар бойынша онда 200 мың студент дәріс алатын болады (қазір Екатеринбургте 140 мың студент оқуда). Олардың арасында ТМД, Жапония, Оңтүстік Корея, Қытай елдерінің жастары болмақ.
"Дәріс негізінен орыс тілінде оқытылады. Алайда, кейбір пәндер оқушының тілінде де үйретіледі, меселен, қытайша сабақ жүргізіледі", - деп хабарлады хатшылықтағылар.
Жоғары оқу орнының құрылысы мемлекеттік және халықаралық қаржыландыру есебінен жүргізіледі. Жалпы қажетті инвестицияның мөлшері анықталмаған. Университеттің құрылысы үш сатымен жүргізіліп, біріншісіне 8 жыл уақыт кетеді. Ал жалпы университеттің құрылуына 30 жыл қажет.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.