Санкт-Петербургте ТМД мемлекет басшыларының бейресми кездесуі басталды
Санкт-Петербургте ТМД мемлекет басшыларының бейресми кездесуі басталды
Санкт-Петербург. 6 маусым. "Қазақстан Бүгін" - Санкт-Петербургте ТМД мемлекеттерінің басшыларының бейресми кездесуі басталды, деп хабарлайды "Қазақстан Бүгін" агенттігінің тілшісі.
ТМД бейресми саммиті алғаш рет Ресей Федерациясының жаңа президенті Дмитрий Меведевтің төрағалығымен өтіп отыр.
Шара барысында ТМД Даму концепциясын жүзеге асыру бойынша негізгі шаралар жоспарын орындау барысы, 2020 жылға дейінгі ТМД Экономикалық даму стратегиясы жобасының жасалу барысы, азық-түлік қауіпсіздігін қамтамасыз ету бойынша шаралар кешені, 2020 жылға дейінгі көлік саласындағы ынтымақтастықты дамытудың басым бағыттары, ТМД елдерінің органдарының қызметін жетілдіру, гуманитарлық саладағы ынтымақтастық сияқты мәселелерді талқылау көзделіп отыр.
Сондай-ақ, ТМД елдерінің ынтымақтастығының өзара қызығушылық тудыратын әртүрлі бағыттары бойынша басқа да өзара іс-қимыл аспектілері қарастырылады. Сонымен қатар, тараптар алдағы күзде Бішкекте өтетін ТМД елдерінің мемлекет басшыларының кеңесінің кезекті отырысының мерзімін анықтап, дайындық барысын талқыға салады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.