АСТАНА. 19-ақпан. Kazakhstan Today. 21-23-ақпанда Қазақстан парламенті сенатының өкілдері Еуропадағы қауіпсіздік және ынтымақтастық жөніндегі ұйымы парламенттік ассамблеясының сессиясына қатысады. Бұл туралы бүгін өткен баспасөз мәслихатында сенат аппараты жетекшісінің орынбасары Мұрат Нұртілеуов хабарлады.
"21-23-ақпанда Венада Еуропадағы қауіпсіздік және ынтымақтастық жөніндегі ұйымы парламенттік ассамблеясының қысқы сессиясы өтеді. Осынау беделді халықаралық ұйымның жұмысына сенат төрағасы Қасым-Жомарт Тоқаев басқарған парламент депутаттары қатысады",- деді М.Нұртілеуов.
Сапар аясында Қ.Тоқаев Еуропадағы қауіпсіздік және ынтымақтастық жөніндегі ұйымы парламенттік ассамблеясының президентімен, ұйымның бас хатшысымен, Еуропадағы қауіпсіздік және ынтымақтастық жөніндегі ұйымының қазіргі төрағасымен кездеседі деп жоспарланған. Сонымен бірге, М.Нұртілеуовтың айтуынша, сенат спикері Қазақстанның жетістіктері туралы баяндама жасайды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Сенат өкілдері Еуропадағы қауіпсіздік және ынтымақтастық жөніндегі ұйымы парламенттік ассамблеясының сессиясына қатысады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.