ДУШАНБЕ. 15-қыркүйек. Kazakhstan Today. Шанхай ынтымақтастығы ұйымына мүше елдердің үкімет басшылары кеңесінің кезекті отырысы 2007-жылғы күзде Ташкентте өтеді . Бүгін Душанбеде Шанхай ынтымақтастығы ұйымына мүше елдердің үкімет басшылары кеңесінің 5-отырысы барысында осындай шешім қабылданды, деп хабарлайды Kazakhstan Today тілшісі.
Бұдан бұрын да хабарлағанымыздай, бүгін Душанбеде Шанхай ынтымақтастығы ұйымына мүше елдердің үкімет басшылары кеңесінің 5-отырысы өтті. Оған Қытай мемлекеттік кеңесінің төрағасы Вэнь Цзябао, Қазақстан үкімет басшысы Даниал Ахметов, Қырғызстан үкімет басшысы Феликс Кулов, Ресей үкімет басшысы Михаил Фрадков, Тәжікстан үкімет басшысы Акил Акилов, Өзбекстан үкімет басшысы Шавкат Мирзияев қатысты.
Отырыс барысында үкімет басшылары Шанхай ынтымақтастығы ұйымына мүше елдердің сауда-экономикалық және гуманитарлық ынтымақтастық мәселелерін талқылады. Атап айтсақ, жүк транзиті мен кедендік процедураларды жеңілдету мәселелері талқыланды. Сондай-ақ, үкімет басшылары лаңкестікпен және есірткі тасымалымен күрес саласындағы ықпалдастық және шекаралық мәселелерді сарапқа салды. Күн тәртібіне денсаулық сақтау, білім бер және туризмді дамыту мәселелері де енгізілді.
Бұған қоса үкімет басшылары Шанхай ынтымақтастығы ұйымының 2007-жылға арналған бюджеті мен Шанхай ынтымақтастығы ұйымының Іскерлік кеңесі мен банкаралық бірлестігімен арадағы ықпалдастықты күшейту мәселелерін де қарады.
Отырыс қорытындысы бойынша бірлескен коммюнике мен халықаралық автокөлік тасымалына қолайлы жағдайлар жасау жөніндегі келісімнің жобасын жасауды жеделдету жөніндегі өзара түсіністік меморандумына қол қойылды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Шанхай ынтымақтастығы ұйымына мүше елдердің үкімет басшылары кеңесінің кезекті отырысы 2007-жылғы күзде Ташкентте өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.