Шанхай ынтымақтастығы ұйымына мүше елдердің Жоғарғы соттарының басшылары Шанхайда әділет саласындағы ынтымақтастық мәселелерін талқылайды
ДУШАНБЕ. 31-тамыз. Kazakhstan Today. Шанхай ынтымақтастығы ұйымына мүше елдердің Жоғарғы соттарының басшылары 20-22-қыркүйекте Шанхайда әділет саласындағы ынтымақтастық мәселелерін талқылайды. Бұл туралы Kazakhstan Today тілшісіне Тәжікстан Жоғарғы сотының төрағасы Избилло Ходжаев хабарлады.
И.Ходжаевтың айтуынша, Шанхай ынтымақтастығы ұйымы шеңберінде мұндай кездесу алғаш рет ұйымдастырылып отыр. Кездесудің мақсаты - трансшекаралық қылмыспен күрес саласындағы ынтымақтастықтың тетіктерін құру, әділет мекемелерінің лаңкестік пен экстремизмге қарсы күрес саласындағы ықпалдастығын нығайтуға саяды.
Жоғарғы сот басшылары сонымен бірге сот мекемелерінің әлеуметтік даму және құқық пен тәртіпті қамтамасыз етудегі ролін талқылайды.
Кездесуге ҚХР, Ресей, Қазақстан, Қырғызстан, Тәжікстан және Өзбекстаннан сот билігінің 50-ден астам өкілдер қатысады.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.