ТМД-ның экономикалық даму стратегиясының жобасын жасау жұмысы аяқталуға жақын - Лебедев
ТМД-ның экономикалық даму стратегиясының жобасын жасау жұмысы аяқталуға жақын - Лебедев
Астана. 17 маусым. "Қазақстан Бүгін" - ТМД-ның экономикалық даму стратегиясының жобасын жасау жұмысы аяқталуға жақын. Бұл туралы бүгін "Инновациялық даму жолы - Еуразиялық интеграцияның өзегі" атты Қазақстан -Ресей бизнес-форумында ТМД Атқару комитетінің төрағасы- атқарушы хатшы Сергей Лебедев мәлім етті, деп хабарлайды агенттік тілшісі.
"ТМД-ның экономикалық даму стратегиясының жобасын жасау жұмысы аяқталуға жақын ", - деді С. Лебедев.
Оның айтуынша, құжат жобасында ТМД кеңістігінде 2020 жылға дейін бәсекеге қабілетті экономикалардың экономикалық және ғылыми-технологиялық дамуының жетекші орталықтары бола алатын өңірлік экономикалық бірлестік құру қарастырылған.
С. Лебедевтің түсіндіруінше, жобаның негізіне "ТМД елдерінің экономика саласындағы қарым-қатынастарының дамуы әр мемлекеттің базалық мүддесіне сай келеді және үшінші елдермен қарым-қатынасын дамытуына қарама-қайшы келмейді" деген ереже алынбақ.
Стратегияның жобасын осы жылдың аяғында ТМД самитінде бекіту жоспарланған.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.