Түркия Қазақстанның экономикасына 400 млн доллардан астам инвестиция салады - Назарбаев (толықтырылған)
Астана. 25 мамыр. Kazakhstan Today - Түркия Қазақстанның экономикасына 400 млн доллардан астам инвестиция салады. Бұл туралы бүгін екіжақты кездесулер қорытындысы бойынша Ақордада өткен баспасөз мәслихатында Қазақстан президенті Нұрсұлтан Назарбаев мәлім етті, деп хабарлайды Kazakhstan Today.
"Бүгін екі ел президенттерінің қатысуымен қазақ және түрік кәсіпкерлерінің бірлескен бизнес-форумы, сондай-ақ, түркі дүниесінің архитектурасы бойынша құрылтай өтеді", - деді Н. Назарбаев.
Оның айтуынша, бірлескен бизнес-форум аясында бірқатар келісімдерге қол қойылады деп күтілуде, соның нәтижесінде Түркияның Қазақстан экономикасына салатын инвестициясының көлемі $400 млн асады. "Бұл - Түркия президентінің сапары мен бүгінгі келіссөздердің нақты нәтижесі", деді мемлекет басшысы.
Елбасы сонымен бірге Түркия президентінің сапары "екі ел арасындағы ынтымақтастық пен сенімді нығайтуға септігін тигізеді", деп атап көрсетті.
Сондай-ақ, Қазақстан президенті атап өткендей, тар құрамдағы келіссөздер аясында "екі ел арасындағы әуе және автокөлік тасымалын жақсарту, туризм мен гуманитарлық қарым-қатынастарды дамыту мәселелері талқыланды".
"Біз өңірлік саясат, Қырғызстан мен Ауғанстандағы ахуал жайлы талқыладық", - деді Н. Назарбаев.
Мемлекет басшысы түрік жағының "Иран электр станциялары үшін өзара байытылған уран алмасу" жөніндегі бастаманың айрықша маңыздылығын атап өтті.
"Меніңше, сапар аса жоғарғы деңгейде өтіп жатыр", - деді ол.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.