ҰҚШҰ елдерінің өкілдері заңсыз көші-қонға қарсы шаралар жайлы талқылайды

Алматы. 28 қаңтар. Kazakhstan Today - Ұжымдық қауіпсіздік шарты ұйымына мүше елдердің заңсыз көші-қонмен күрес мәселелері жөніндегі органдары жетекшілерінің үйлестіру кеңесінің 29 қаңтарда Мәскеуде өтетін отырысында заңсыз көші-қонға қарсы шаралар жайлы талқыланады, деп хабарлайды Kazakhstan Todaу ҰҚШҰ хатшылығына сілтеме жасап.

"Отырысқа қатысушылар 2010 жылы заңсыз көші-қонға, соның ішінде адам саудасына қарсы тұруға бағытталған "Нелегал-2010" атты шартты атауы бар арнаулы операциялар мен бірлескен жедел алдын алу іс-шараларын ұйымдастырып өткізу жайын талқылап, ҰҚШҰ-ына мүше-мемлекеттердің 2012 жылғы кезеңге дейін үшінші елдерден азаматтардың заңсыз көшіп келуіне қарсы тұрудың ұжымдық жүйесін құруғы бағытталған іс-әрекеттері жоспарының орындалу барысы жайлы ақпаратты тыңдайды, саяси баспана сұрап жүрген тұлғалармен, босқындармен жүргізілетін жұмыстарға қатысты ортақ көзқарастар тақырыбын және басқа да мәселелерді қарайды", - деді ҰҚШҰ бас хатшысы Николай Бордюжа.

Баспасөз қызметінің ақпаратына сәйкес, Ұжымдық қауіпсіздік шарты ұйымына мүше елдердің заңсыз көші-қонмен күрес мәселелері жөніндегі органдары жетекшілерінің үйлестіру кеңесі ҰҚШҰ Ұжымдық қауіпсіздік кеңесінің 2007 жылғы 6 қазандағы шешімімен құрылған. Кеңестің басты мақсаттары мыналар: заңсыз көші-қонмен күрес бойынша бірлескен арнаулы операциялар мен жедел алдын алу іс-шараларын келісе отырып дайындалып өткізуге септесу, заңсыз көші-қонмен және онымен байланысты заң бұзушылықтармен күрестің тиімділігін арттыру үшін уәкілетті органдардың өзара ықпалдастығын қамтамасыз ету, заңсыз көші-қонға қарсы бірлескен тәжірибелік іс-шараларды іске асыру жайлы ұсыныстар дайындау.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.