Усама бен Ладен мұсылмандарға қарсы лаңкестік әрекеттер жасамауға шақырады
Усама бен Ладен мұсылмандарға қарсы лаңкестік әрекеттер жасамауға шақырады, деп хабарлайды Kazakhstan Today агенттігінің тілшісі.
Алматы. 25 - ақпан. Kazakhstan Today - Усама бен Ладен мұсылмандарға қарсы лаңкестік әрекеттер жасамауға шақырады, деп хабарлайды Kazakhstan Today агенттігінің тілшісі.
"Ил-Каеда" лаңкестік ұйымының жетекшісі бейбіт мұсылмандар құрбан болатын жағдайда лаңкестік әрекеттер жасамауға шақырды. "№1 лаңкестің" сөзін оның жақын жақтасы аз-Завахри мәлім еткен.
Ол сондай-ақ, Александриядағы (Мысыр) хрестиандар шіркеуінің маңында болған лаңкестік әрекетке "Ил-Каеда" сарбаздарының еш қатысы жоқ екендігін мәлім еткен.
Естеріңізге сала кетсек, кеше кешкісін Муаммар Каддафидің әл-Завия қаласы тұрғындарына жолдаған үндеуі жергілікті телеарналардан көрсетілген болатын. Каддафи Ливиядағы барлық қақтығыстарға "әл-Каеда" ұйымы мен жергілікті жастар кінәлі деп мәлім еткен болатын.
Оның сөзіне қарағанда, Бен Ладеннің жақтастары жастарды есірткі мен ішімдікке тартуда, соның салдарынан жастар заңға қарама-қайшы әрекеттерге барып отыр. Каддафи сондай-ақ, қаза тапқандардың туған-туыстарына көңіл айтты. Куәгерлердің айтуынша, әл-Завия қаласында үкіметке қарсы шерушілер жиналған мешітті үкімет әскерінің басып алуы кезінде 10 адам қаза тапқан. Соңғы мәліметтерге қарағанда, Каддафи Триполи мен елдің батысындағы бірнеше ауданды ғана өз бақылауында ұстап отыр. Ливияның шығыс бөлігі оппозицияның қолында. Шет аймақтағы қалаларда қақтығыстар әлі жалғасуда. Түрлі мәліметтерге қарағанда, Ливиядағы қақтығыстар барысында қаза тапқандар саны екі мың адамға дейін жетуі мүмкін. АҚШ президенті Барак Обама Франция президенті Николя Саркозимен, Ұлыбритания және Италия премьер-министрлері Дэвид Кэмерон және Сильвио Берлусконимен телефон арқылы сөйлесіп, Ливиядағы жағдайды талқылады. Ақ Үй өкілінің айтуынша, олар Ливия басшылығын жауапқа тарту мен елге қайырымдылық көмек көрсету жолдарын қарастырған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.