Изербайжан президенті Қазақстан парламенті сенатының спикері Қасым-Жомарт Тоқаевты қабылдады
Изербайжан президенті Қазақстан парламенті сенатының спикері Қасым-Жомарт Тоқаевты қабылдады
Баку. 19 маусым. "Қазақстан Бүгін" - Изербайжан президенті Ильхам Илиев кеше, 18 маусымда Қазақстан парламенті сенатының спикері Қасым-Жомарт Тоқаевты қабылдады, деп хабарлайды агенттік тілшісі Изербайжан президентінің баспасөз қызметіне сілтеме жасап.
"Кездесу барысында тараптар екі жақты қарым-қатынастардың саяси, экономикалық, гуманитарлық және басқа да салаларда қарқынды дамып келе жатқанын атап өтіп, парламентаралық ынтымақтастық та екі ел арасындағы байланысты кеңейтуге үлес қосатынын атап көрсетті", -деп хабарлайды әкімшілік.
Сондай-ақ, Қ. Тоқаевтың осы жолғы Изербайжанға сапары Изербайжан-Қазақстан қарым-қатынасын нығайтуға қызмет ететіндігіне сенімділік айтылды.
Айта кету керек, Қазақстан парламенті сенатының спикері Бакуге Изербайжан парламенті - милли меджилистің 90 жылдығына арналған салтанатты шараларға қатысу үшін келген, бұл салтанат бүгін өтеді. Шараға 200 жуық шетелдік қонақтар, соның ішінде түрлі елдер парламенттерінің жетекшілері қатысады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.