АСТАНА. 29-наурыз. Kazakhstan Today. Ұжымдық қауіпсіздік келісім шарты ұйымы Парламенттік ассамблеясының 30-наурызда Санкт-Петербург қаласында өтетін бірінші жалпы отырысына мәжіліс төрағасы Орал Мұхамеджанов бастаған өкілдер қатысады. Бұл туралы Kazakhstan Today тілшісіне мәжілістің баспасөз қызметінен хабарлады.
Палатаның баспасөз қызметінен хабарлауынша, Парламенттік ассамблеясының бірінші жалпы отырысында оның төрағасы сайланып, Ұжымдық қауіпсіздік келісім шарты ұйымы Парламенттік ассамблеясы туралы уақытша ереже бекітіледі. Сонымен бірге күн тәртібіне сәйкес, қорғаныс және қауіпсіздік мәселелері жөніндегі, саяси мәселелер және халықаралық ынтымақтастық жөніндегі, құқықтық және әлеуметтік мәселелер жөніндегі тұрақты комиссиялар құрылады. Кездесуге қатысушылар халықаралық қарым-қатынасқа қатысты кейбір мәселелерді де талқылайды.
Сонымен бірге Қазақстан парламентінің делегациясы бүгін Санкт-Петербург қаласында ТМД Парламентаралық ассамблеясының қорғаныс және қауіпсіздік мәселелері жөніндегі тұрақты комиссиясының мәжілісіне қатысады. Кездесуде Ұжымдық қауіпсіздік келісім шарты ұйымы Парламенттік ассамблеясы туралы уақытша ереженің жобасына қатысты ескертулер мен ұсыныстар одан әрі талқыланады.
Бұдан бұрын да хабарлағанымыздай, Ұжымдық қауіпсіздік келісім шарты ұйымының Парламенттік ассамблеясын құру туралы шешім 2006-жылдың 16-қарашасында ТМД Парламентаралық ассамблеясы мүшелерінің отырысында қабылданған. Ұжымдық қауіпсіздік келісім шарты ұйымының Парламенттік ассамблеясы ұйым шеңберіндегі әскери-саяси интеграциялану процессін одан әрі дамыту және ұйымға мүше елдердің қорғаныс және қауіпсіздік саласындағы ұлттық заңнамаларын үйлестіру және жақындату, келісу саласындағы тәжірибелік жұмыстарды дамыту үшін құрылған.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Ұжымдық қауіпсіздік келісім шарты ұйымы Парламенттік ассамблеясының бірінші жалпы отырысына мәжіліс төрағасы бастаған өкілдер қатысады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.